RZA LLC нь аюулгүй, найдвартай цахилгаан дэд бүтцийг бий болгох, хууль тогтоомжийн шаардлагыг хангах, хэрэглэгчийн сэтгэл ханамжийг нэмэгдүүлэх, мөн Чанарын менежментийн тогтолцоог (QMS) тасралтгүй сайжруулах үүрэг хүлээнэ.
RZA LLC нь ажилтнууддаа аюулгүй, эрүүл ажиллах нөхцөлийг бүрдүүлэх, ажилтай холбоотой осол гэмтэл, өвчлөлөөс урьдчилан сэргийлэх, аюулыг арилгах болон ХАБЭА-н эрсдэлийг бууруулах, хууль тогтоомж болон бусад шаардлагыг хангах, мөн Хөдөлмөрийн аюулгүй байдал, эрүүл ахуйн удирдлагын тогтолцоог тасралтгүй сайжруулах үүрэг хүлээнэ.
Бид цахилгаан дамжуулах шугам болон дэд станцын техник-эдийн засгийн үндэслэл боловсруулах, инженерийн зураг төсөл боловсруулах, барилга угсралт, суурилуулалт, засвар үйлчилгээ, туршилт тохируулгын ажлыг гүйцэтгэх явцад байгаль орчныг хамгаалах, бохирдлоос урьдчилан сэргийлэх үүрэг хүлээнэ.
Манай үйл ажиллагаа нь газар, агаар, ус, байгалийн нөөц болон орчны иргэдэд нөлөөлж болзошгүйг бид хүлээн зөвшөөрдөг. Иймд байгаль орчны хамгаалалтыг бүх бизнесийн үйл ажиллагаа болон төслийн хэрэгжилтэд нэгтгэн хэрэгжүүлнэ.
